فضيحة الـ55 مليون دولار: لما تكون أولويات البرهان غير الشعب
في وقت الشعب السوداني بيكافح علشان يلقى لقمة العيش، وتحت المطر نايمين ملايين النازحين بدون مأوى، البرهان قرر يصرف 55 مليون دولار من خزينة الدولة على قضية هو ذاتو عارف إنها خاسرة من البداية! المبلغ دا كان ممكن يغيّر حياة آلاف الناس، يحل جزء من الأزمة الاقتصادية، يفتح مستشفيات، أو حتى يوفر الحد الأدنى من الحياة الكريمة. لكن للأسف، القيادة الحالية اختارت تبعزق الفلوس ساي في معارك سياسية فارغة.
الفضيحة دي تكشف بوضوح إنو ما في رقابة، ولا برلمان، ولا محاسبة. البرهان بيتصرف في أموال الشعب كأنها ملكو الشخصي، في غياب تام لأي شفافية أو مسؤولية. كأنو الجيش بقى دولة مستقلة، بيموّل مغامراتو من عرق الناس وجوعهم، بدون حتى ما يسأل نفسو: هل دا فعلاً في مصلحة السودان؟
والأخطر من كدا إنو كل مرة الجيش يتعرض لهزيمة في الميدان، بيرجع يشتري نصر إعلامي بقضايا خاسرة وتصريحات وطنية مزيفة! البرهان ما بيحارب علشان الوطن، دا بيغطي على الفشل السياسي والعسكري بحركات استعراضية تكلف الملايين. لو في عدالة حقيقية، كان الشخص البيصرف 55 مليون في لا شيء يتحاسب، مش يستمر في الحكم!
0 Comments: