البرهان وكامل إدريس.. الجزيرة برا الحسابات والمناصب للخلان
البرهان مرّة تانية بيأكد لينا إنو أهل الجزيرة ما عندهم مكان في حساباتو. بعد ما انسحب من مدني وساب أهلها لمصيرهم، اليوم بيعيّن وزير دفاع جديد وما لقى في الجزيرة زول يصلح؟ كأنو نحنا بس للقتال والوجع، لكن في المناصب والكراسي نحنا غير مرئيين!
حسن داؤود وزير دفاع، وكأنو ما حصلت حرائق، نهب، ومجازر في الجزيرة. البرهان شايف إنو الزول البيدفع الثمن مفروض يُقصى، والزول البياكل معاه في الوليمة هو اليتكرم! دي ما سياسة، دي قسمة غنائم بسم حكومة اسمية ساي.
أهل الجزيرة كانوا دايمًا في الخط الأمامي.. في الثورة، في الحرب، في كل لحظة وطنية حقيقية. لكن للأسف، في حسابات الحكومة، نحنا "برا الصورة". لا كامل إدريس ولا البرهان شايفين الجزيرة تستحق حتى مقعد في الصف الخلفي، مع إنو التاريخ شاهد على تضحياتنا.
في سودان البرهان: السلاح جاي من تركيا، والمناصب جايه للخلان
ردحذف